БАЙРАМ БАЙРАМОВ
|
БАЙРАМ БАЙРАМОВ
Киевдиз сифте яз Байрам Байрамован танк гьахьнай. Гьавиляй командирри адаз Советрин Союздин Игитдин тIвар гунин гьакъиндай месэла къарагъарнай. Са вахтунда тIвар-ван авай устIар хьиз КцIариз ва къунши районриз сейли хьайи, звер гайи спелрилай вич асул лезги тирди гьасятда кьатIуниз жедай Байрам Байрамов 1940-йисуз КцIарай аскервилиз фенай. Саратовда сержантрин, гуьгъуьнлай Ульяновскда танкистрин мек-тебакьалтIарай гадади Ватандин ЧIехи дяве Львовда къаршиламишнай. Танкдин ротадин командир Байрам Байрамова Воронеж, Харьков, Киев шегьерар душмандикай азад ийидай женгера чешне къалурнай. Киев шегьердиз сифте яз адан танк гьахьнай. И къагьриманвиляй Байрам Советрин Союздин Игитвилин тIварцIиз лайихлу хьана к!анзавай ва командиррини и рекьяй гзаф алахъунар авунай. Ингье Б.Байрамоваз "Яру Пайдах" ва Ватандин ЧIехи дяведин I дережадин кьве орден ганай. Ада Молдавия, Румыния ва Венгрия фашистрикай азад авун патал кьиле фейи женгерани иштиракнай. Байрам Байрамов кьведра Ватандин ЧIехи дяведин I дережадин ордендиз лайих акунай. Дяведилай гуьгъуьниз КцIар шегьердин 2-нумрадин мектебда военруквиле к!валахай Байрам Байрамов 2007-йисуз 90 йиса аваз рагьметдиз фена.
|
 |
Автор Седагет Керимова.
(Если у вас данный матераил отображается не корректно, то вам нужно скачать и установить лезгинский шрифт Lezgi)
Comments:
JComments
Facebook
ВКонтакте
