Печать
PDF

МИДГЬЕД ШИРИНБЕГОВ

МИДГЬЕД ШИРИНБЕГОВ

"Эллиндин къагьриман" хьиз Грециядиз сейли хьайи и кьегьал лезгидиз женгинин юлдашри "Михайло" лугьудай.

Грекрихъ галаз санал фашистрин аксина женгера иштирак авур, "Михайло" тIварцIелди машгьур хьайи кьегьал партизан Мидгьед Кичибеган хва Ширинбегован уьмуьрдикайни къагьриманвилерикай къецепатан уьлквейра, иллаки Грецияда гзаф ктабар кхьенва. Ватандин ЧIехи дяведин йисара Грециядин партизанрин машгьур "ЭЛАС" тешкилатдин актив уьзвийрикай сад хьиз вишералди инсан кьиникьикай куьтягьай, духтур хьиз сейли хьайи Мидгьед Ширинбегова 1944-йисан 25- апрелдиз Эллин Азадвилин Армиядин патай ганвай документ вичин уьмуьрдин эхирдалди багьа аманат хьиз хвенай. Ана кхьенвай: "Чи женгинин юлдаш, духтур Михайло Ширинбегова "ЭЛАС" Армияда 1944- йисалай къуллугъзава. Азарханадин духтур хьиз вичин буржи кьилиз акъудзавай и кичI тийижир кьегьалди вичин уьмуьр Эллин халкьдин азадвилиз серф авунва".

Дяведа къалурай игитвилерай М.Ширинбегов "Яру Гъед", Ватандин ЧIехи дяведин II дережадин орденриз ва 10 медалдиз лайихлу хьанай. Дагъустандин Филер хуьре дидедиз хьайи, 1939-йисуз Бакудин фелдшервилин мектеб акьалтIарай М.Ширинбегова дяведилай кьулухъ КцIар райондин хуьрера, гьакIни Манкъулидхуьре фелдшервиле кIвалахнай.

МИДГЬЕД ШИРИНБЕГОВ

Автор  Седагет Керимова.

(Если у вас данный матераил отображается не корректно, то вам нужно скачать и установить лезгинский шрифт  Lezgi)

Comments:

Добавить комментарий


Защитный код
Обновить

Интересная статья? Поделись ей с другими: